фарид усмон

Боғ сувлари

Тонг чоғи чаман булбули ваҳ сайради бийрон

                         -кулгуда гўзал боғ,

Тонг булбули кулгусида ором олади жон-

                         Туйғула гўзал боғ.

Боғ ичра баҳор сеҳри ажиб тантана қилган,

                            Гул ғунчаси кулган,

Боғ ичра баҳор сувлари уйноқлади ҳар он-

                            Кўзгуда гўзал боғ.

Боғ ҳуснига сув мавжида-рост авжида кўрдим

                            Сувлар жуда лиммо-лим,

Сув қилди чиройини баҳор чоғи намоён

                            У буда, гўзал боғ.

Боғ кўркига боғбон элининг меҳнати синган,

                            Ҳар ишда билинган

Қалб қўрини боғ бағрига кўп айлади эҳсон-

                            Орзуда гўзал боғ.

Баҳор сайри, баҳор сайри Фарид кўнглини очди,

                            Гул атрини сочди,

Гул атри бу тонг булбулини қилди ғазалхон

                            Кулгуда гўзал боғ.