камолахон пармонова

Обод маҳаллам

Айни саҳар паллада,

Иш бошланар маҳаллада.

Кўча, ҳовли супурган,

Келин, қиз эрта турган.

Томорқасин гуллатиб,

Чорвани қойиллатиб.

Оила биргалашиб,

Чой ичар гурунглашиб.

Текис, равон кўчалар,

Чароғондир кечалар.

Бир хил уйлар ёндашиб,

Меҳмон қолар адашиб.

Бир-бирига қарашар,

Баҳор, ёз, кузда ҳашар.

Иш боши бўлмас ҳоли,

Маҳалла оқсоқоли.