мирзамахмуд ботиров

                         ОНАМ  ТУРСИНОЙ  МИРЗАҚОСИМОВАГА

Бир юрагим минг бир тилим

Тилда фарёд вайрон дилим

Жон боғимдан қучган гулим

Ёлинтириб кетган онам

Соғинтириб кетган онам.

Қаро қошу, қаро кўзим

Ўзинг эдинг ширин сўзим

Танҳо эдинг моҳи рўйим

Соғинтириб кетган онам

Ёлинтириб кетган онам.

Ғам чекканда бошим қучган

Менинг учун алам ютган

Борса келмас юртга кетган

Соғинтириб кетган онам

Ёлинтириб кетган онам.

Учиб ктган қалдирғочим

Ғамга кўмиб ёлғиз бошим

Мен боламан “не гуноҳим”

Соғинтириб кетган онам

Ёлинтириб кетган онам.

Борсам уй бор деразанг йўқ

Совуқ хонанг ёруғ нур йўқ

Кўксим ичра минг лахта чўғ

Соғинтириб кетган онам

Ёлинтириб кетган онам.

Ўнгинг тупроқ,сўлинг тупроқ

Ётган жойинг эмасму боғ

Қандай кўнглим этайин чоғ

Соғинтириб кетган онам

Ёлинтириб кетган онам.

Ҳам сухбатинг йўқ ёнингда

Бахмал кўрпа йўқ жойингда

Тупроқ тўшак бел пойингга

Соғинтириб кетган онам

Ёлинтириб кетган онам.

Суратингга забон битмас

Дод десам ҳам назар қилмас

Энди мени эркаламас

Соғинтириб кетган онам

Ёлинтириб кетган онам.

Дунё ичра дунё бўлган

Ёлғиз қуёш бўлиб кулган

Сиз бор чоғи кўнгил тўлган

Соғинтириб кетган онам

Ёлинтириб кетган онам.

Ахволингни билолмасман

Ҳар кун бўйинг кўролмасман

Суйиб бўйнинг қучолмасман

Соғинтириб кетган онам

Ёлинтириб кетган онам.

Етим қилиб бошим тошлаб

Гул қалбимни менга ташлаб

Кўйлагингни менга ташлаб

Соғинтириб кетган онам

Ёлинтириб кетган онам.

Энди сени кўрмоқ қайда

Созу сухбат қурмоқ қайда

Дийдорингга тўймоқ қайда

Соғинтириб кетган онам

Ёлинтириб кетган онам.

Сен кимлардан безиб кетдинг

Кўнгил боғим нураб кетдинг

Оппоқ либос ўраб кетдинг

Соғинтириб кетган онам

Ёлинтириб кетган онам.

Мирзомахмуд хайронман мен

Дилистони вайронман мен

Мадхинг куйлаб сайронман мен

Соғинтириб кетган онам

Ёлинтириб кетган онам.