с у х а й л и й

МУСТАҚИЛЛИК МУБОРАК!

Мустақиллик муборак,

            она юртим, жон юртим,

Бу ҳурлик, озодликдир,

            азиз меҳрибон юртим!

                         Эзгу мақсадга етди

            бағрингда яшаганлар,

Юксак ривожланишга

            бўлди зўр имкон, юртим! 

                         Бу хуррам замонларни

           орзулаб, кутган эди,

Ўтган ота – боболар

            бўлиб жонфиғон, юртим!

                         Ниҳоят, эзгуликнинг

            фурсати келиб етди,

Энди сенсан абадий

            гўзал, фаровон, юртим!

                         Келажагинг буюкдир,

            истиқболинг энг порлоқ,

Эҳтимолки, қалбингда

            қолмагай армон, юртим!

                         Қуёш чиқди бахтингга,

           эришдинг тож – тахтингга,

Қутлуғ, муборак бўлсин

           бу хуррам замон, юртим!

                         Суҳайлий ҳам шодликдан

           дилда борин куйлади,

Яйраб – яшнаб, бағрингда

           юрсин соғ-омон, юртим!

           -------------------

       

                       СУҲАЙЛИЙ

                                          (Қоражон ҚОДИРОВ)