музаффархон маматхонов

             Қоя

                           Ислом  Абдуғаниевич  Каримов хотирасига 

   

                                    Маҳобатли  турар  баланд  бир  қоя,

                               Минглаб  офатларга  бериб  дош, мағрур,

                               Матонат-ла  чидар  силкинишларга

                               Она  табиатга  бўлай  деб  манзур!

                               Урилиб  бағрига  ўтли  чақмоқлар

                               Куйдирсада  хатто  уни  бетиним,

                               Эзгуликка  масъул  вазминлик  билан

                               Ушлаб  турар  замин  мувозанатин.

                               Ўша  қоя  каби  бардошли,  кучли,

                               Буюк  мақсад  учун  туғилган  дахо,

                               Кўз  қорачиғидай  асради  халқин

                               Уруш  бўлмасин, деб, Ватанда  асло!

                               Сўзи  чин  юракдан, дастур - тинч  ҳаёт,

                               Нигоҳлар  меҳрли  минбарда  гар У,

                               Сўз  қалбга  ёзилган,  қоғозга  эмас,

                               Ортиқ  сафсатага  бермагай  урғу!

                               У  эди  бағрикенг, бунёдкор, содиқ,

                               Жонини  халқидан  кўрмаган  афзал,

                               Юксак  ғояларнинг  сохиби, одил

                               Юртим, деб  куйгувчи, ёнгувчи  машъал!

                           

                               Сиғдириб  бир  бошга  миллион  ташвишни,

                               Айтингчи,  ечимин  осонми  топиш?

                               Йигирма  биринчи  аср  талабин

                               Уддалашга  етмас  биргина  хохиш!...

                              Бутун  халқ  қайғуда, дунё  қайғуда

                              Машъум  ажал  олди  шундай  инсонни,

                              Келажак  авлодга -  элга , янгидан

                              Яратиб  кетди  У  Ўзбекистонни!

                              Ҳар  кунги  қилгани - савоблар  хаққи,

                              Насиб  этсин  токи  жаннати  маъво,

                              Дўстлар ,  дуо  қилинг  дилдан, юракдан

                              Ажри  раҳмат  берсин  Парвардигоро!

                                                                               Музаффархон   Маматхонов

                                                                                   04.09.2016й