Malhamuz1

ASSALOMU ALAYKUM "MALHAM1UZ"GA HUSH KELIBSIZ!

четверг, 19 января 2017 г.

Хуршидабону

БОШҚА ОЛАМ

Сену мен бошқадирмиз, дил -
Юраклар бошқа бир олам.
Суханлар бошқадир гарчи,
Тилаклар бошқа бир олам.

Фано даҳрида берсак бой
Ато этганда фурсатни,
Керакмас нозу неъмат, зар,
Кераклар бошқа бир олам.


Ҳаёт, қонунларинг бирла
Иши йўқ инжа туйғунинг,
Сабр куйин чалолмаслар  –
Билаклар бошқа бир олам.

Ўтар кунлар, кетар кунлар,
Фиғону дод этар кунлар,
Гуноҳларни, савобларни
Элаклар бошқа бир олам.

Сену мен бошқадирмиз, лек
Юраклар бошқа бир олам,
Кетар бўлсам йироқ сендан
Сўнгаклар бошқа бир олам...

ХУРШИДА. 2017 йил, 18 январь

Комментариев нет:

Отправить комментарий