ғ и й б а т

Бизни ғийбат қилганлар,

Чарчамасин, толмасин!

Мени ёмон кўрганлар,

Куним сизга қолмасин!

Кўздан оқса ғамгин ёш,

Дардимга бўлманг дарддош!

Ёмон кўрган қариндош!

Куним сизга қолмасин?

Юзлар ажин кўнгил хас,

Қадрим осмон ўзим пас.

Мени ёмон кўрган кас,

Куним сизга қолмасин!

Бошлар оёқ, оёқ бош,

Ош ўрнига ейин тош!

Ғаним сирим этса фош,

Куним сизга қолмасин!

Пешонадан тўкиб тер,

Ёзганим саноқли шеър!

Ғанимлар не деса дер,

Куним сизга қолмасин!

Менга бегона хасад,

Олдим отамдан ибрат.

Ёш ўтиб кетса қувват,

Куним сизга қолмасин!

Элда ёруғ юзим шу,

Бори йўғу ўзим шу,

Ғийбатчига сўзим шу,

Куним сизга қолмасин!

Меҳрдан бўлиб жудо,

Бўлиб қолсам гар гадо!

Шунда хам боқин Худо,

Куним сизга қолмасин!