кутиб ол...

💞☺️💝🐋 КУТИБ ОЛ.......

Мен бугун армонлар эшигин ёпдим,
Соғинч йўлларини кўмиб ташладим.
У ердан юрмасин ҳеч қачон, ҳеч ким,
Юракдан исмингни ўйиб ташладим !


Висол онларини ўчирдим вақтдан.
Севги шаробини тўкиб ташладим
Юракка сабрни сўрадим Хақдан.
Сенсиз яшамоққа кўна бошладим !

Кўздаги ёшларни артдим шунчалар,
Қонталаш чизиқлар қолди кўзимда,
Энди кунларимда ботмас кечалар,
Хатто соянг қолмас бирон изимда !

Тинч қўйдим аламни, хайдаб юбордим,
У сенинг аламинг, ёлғиз сеники.
Хижроннинг кўзларин ўйиб юбордим,
Кутиб ол, хижрон ҳам сеники эди !

Мен қаддим тикладим, қадрим синмаган,
Юракка нафратни ёзиб ўргатдим.
Ҳеч қандай туйғуга бошин эгмаган,
АЛВИДО...сўзига хайкал ўрнатдим !!!