сухайлий - хайрлашув---

                                           ХАЙРЛАШУВ

                                 “Сўнгги қўнғироқ” кунига

                                 “Хайр мактаб!”  дейишга

                                        бормайди асло тилим,

                                 Ахир қандай айтаман,

                                     “Хайр, устоз, муаллим!”

                                

                                 Хайрлашув онлари...

                                      бу жудолик эмасми,

                                 Таъзим бажо этаман,

                                      кўксимда икки қўлим! 

                                

                                 Фақат вақтинчаликка

                                     хайрлашиш лозимдир,

                                 Эҳтимол, бундан буён

                                   бошқадир боара йўлим!

                                

                                 Ёру дўстларим бисёр,

                                     улар билан биргаман,

                                 Ҳар қачон кенг очиқдир

                                        доимо ўнгу сўлим!

                                

                                 Камолтга етгаймиз

                                    мақсад сари интилиб,

                                 Асло яқин келмасин

                                         фалокат ёки ўлим!

                                

                                 Мактаб қутлуғ даргоҳдир,

                                     у л у ғ л и г и   беқиёс,

                                 У ажойиб манзилгоҳ,

                                    боғлари сўлим..сўлим!  

                                

                                  Ушбу улуғ даргоҳда

                                    кўп эрур алломалар,

                                 Барчалари табаррук,

                                      устоз, азиз муаллим!

                                

                                 Устозларнинг меҳнати

                                      беқиёс, беназирдир,

                                 Улар бизга тинмайин

                                  берур тарбия..таълим!

                                

                                 “Устоз отангдек улуғ”,..

                                  деган яхши мақол бор,

                                 Неча йил заҳмат тортиб,

                                    бергай илм ва билим!

                              

                                Энди бизлар ўзимиз

                                бўлажакмиз бардавом,

                                   Бардавом этмасак гар,

                                 бўлгаймиз ўзга золим!

                           

                               Илм...билим йўлида

                                  машаққатлар бўлса оз,

                               Меҳнат, заҳмат тортса ким,

                                  бўлғуси шоир. олим!

                        

                             Мен Ватан фарзандиман,

                                  она халқим дилбанди,

                             Менинг хизматларимдан

                               шод бўлсин юртим, элим!  

                        

                             Мактабга, устозларга

                             “Хайр”,..дея олмайман,

                             Доимо таъзимдман,

                              кўксимда икки қўлим!

      

                            Суҳайлий ҳам мактабда

                                 устозлик қилган эди,

                            Шогирдлари кўрганда,

                             дерлар: “Салом, муаллим!”

                                 ..........................

                                    

                                            СУҲАЙЛИЙ

                                      (Қоражон ҚОДИРОВ)