ботиров мирзамахмуд

ТЎРТЛИКЛАР

Қовоқ солиқ,зиқна хасис бир бойдан,

Фойда кўпдир ориқ-чўлоқ бир тойдан,

Элга наф тегмаса-мақтамоқ нечун,

Фойда йўқ қуп-қуруқ сувсиз бир сойдан.

                        ***

Мехнатингла топиб есанг қаттиқ нон,

Миннатли половдан зўрдир минг чандон,

Тилинг бирла буғдой ўролмағайсан,

Меҳнат ила гўзал ҳақиқий инсон.

                      ***

Яхшилик қилсангу ёйсанг оламга,

Пичоқ урган билан тенгсан одамга,

Ҳар не қилсанг дилинг,ниятинг пок қил,

Шўх наво ярашмас мотамли дамга.

                     ***

Кампир парвоз билан бўлмас асло қиз,

Излар кампир бўлар кун келиб сўзсиз.

Жаннат гулларидир асли аёллар,

Ўзларин-ўзлари орлашар эссиз.

                   ***

Товусни думини юлганинг замон,

Оддий бир товуққа айланар шу он,

Мақтанма борингни Оллоҳ яратган,

Бгун гулсан,эртанг балким зафарон