Эмиш

  АБДУЛЛА ОРИПОВ,

Ўзбекистон Қаҳрамони, Халқ шоири

                   * * *

Минг бор шукур айтса арзир,

Кимки омон эмиш,

Яратганга ношукурлик

Жуда ёмон эмиш.

Расулуллоҳ лутф айламиш

Саҳобаларга:

Ғазабини енголса ким

Чин паҳлавон эмиш.

Бир-биридан қолишмайди

Одамзот феъли,

Боз устига Иблиснинг ҳам

Шаҳди ҳамон эмиш.

Яхшиликни билганга қил

Деган гап ҳам бор,

Билмаганлар ёвузликка 

Яқин томон эмиш.