кўз олдимдагилар

☺️💞КЎЗ ОЛДИМДАГИЛАР

Қадрингни ўзинг бил, ўзгадан олдин,
Ҳурматингни сақла, аёлсан аёл!
Қара, ўйинчоққа айланиб қолдинг,
Ҳуснингну, ёш умринг кетмасин увол.

Қўлингда шароб, тилларингда бол,
Ўзингни отасан ҳар қучоқ томон.
Эй сингил, бу ҳолат аянчли аҳвол,
Ўзинг бузуқсану, айбдор замон.


Шайтон шаробидан айланар бошинг,
Пешонам қурсин деб қиласан нола!
Ҳалол луқма эмас, ҳар еган ошинг,
Босган қадамларинг гунохга тўла.

Даврада ўтирган мақтаганларинг,
Кўзида хирс тўла, сўзлари сохта.
Энсаси қотади гапирган саринг,
Ақлингну англаю, жон синглим тўхта!

Уйингда қиз, ўғлинг кутади муштоқ,
Онан ҳам тўлғонар ҳавотир олиб.
Ярим тун ўтгунча юрасан узоқ,
Вақт ўтиб юзинга кетишар солиб.

Чин дўст деб атама аллакимларни,
Шивири шунчаки бир мақсад томон
Сен билан ўтказиб бўлиб тунларни,
Барибир ёмонга чиқасан ҳар он.

Сен ўзинг авайла, ору шаънингни,
Ҳеч кимга эгмагин бошингни ҳеч ҳам.
Унутмоқчи бўлсанг агар ғамингни
Дуо қил, эшитар ҳар куни Эгам!!!
  Сизлар билан доим босинг www.malhamuz.blogspot.com
🌹
🌿      🍒💞                                                         @malhamuz   Мақола ёққан бўлса Дўстларингиз билан бўлишинг! Фойдали ва саломатлигиз учун керакли канал ☺️🍒💞   @malhamuz