хийла-ю

                                                             ҲИЙЛА..Ю,

                                                      НАЙРАНГ БИЛАН

                                                  Неки иш қилмоқдамиз,

                                                  ҳийла..ю, найранг билан,

                                                  Б ў я б   оддий қоғозни

                                                   неча юз хил ранг билан!                                      

                                                  Гапларимиз ҳам ёлғон,

                                                  қуруқ ваъда..ю, лофлар,

                                                  Сўзлагаймиз беибо,

                                                   кулгили оҳанг билан!

                                                  Меҳр..оқибатлар ҳеч

                                                  кўнгилда йўқ, ажабо,

                                                  Юракларимиз қотди

                                                 метин ёки санг билан! 

                       

                                                 Савдо..сотиқ қиламиз

                                                  инсоф..у, диёнат йўқ,

                                                Тарозудан урамиз

                                                  қалбаки пасанг билан!

                                                                  

                                                 Турмушимиз ўтмоқда,

                                                    ҳаётимиз фаровон,

                                                 Бизга ўзгалар боқар

                                                 бўлишиб, ханг..манг билан!

                                                Ўзимизни  ў з и м и з 

                                                      алдагаймиз ҳамиша,

                                                Бўлар..бўлмас гаплар..у,

                                                  даҳанаки жанг билан!

                                                Чунки муттаҳам, сурбет

                                                    безорилар ҳам бисёр,

                                                 Бетаъсир ва виждонсиз,

                                                   қулоқлари ганг билан.

                                                 Мусобақага шаймиз

                                                   ким олдинга ўзишга,

                                                 Йўлларни тўзғитамиз

                                                  аччиқ ғубор чанг билан!

                                                 Биз чиқарган маҳсулот

                                                  тоза, ялтироқ бўлсин,

                                                 Қопланмасин тез кунда

                                                 коррозия, занг билан!                                

                                

                                                 Агар алдов йўл билан

                                                      кетаверсак илгари,

                                                 О х и р   нима бўлади,

                                                 қолгаймиз аттанг билан!

                                                 Парвардигорнинг Ўзи

                                                  инсоф берсин барчага,

                                                 Олам тўлиб бормоқда

                                                   инглиз, фаранг билан!

         

                                                 Чиябўри, тулкилар

                                                 ўрмонни забт этдилар,

                                                 Мутлақо парвоси йўқ

                                                 шерлар..у, паланг билан!

                                                 Меҳнат, жангу жадалда

                                                     интиламиз олдинга,

                                                 Ҳар ишимиз тугасин

                                                 ҳеч йўқки дуранг билан!

                                                                 

                                               Ҳар нарсага бурнингни

                                                 тиқаверма, биродар,

                                               Чавақлар тенг бўлурми

                                               ҳеч қачон наҳанг билан?!

                                               Эй Суҳайлий, ҳаётда

                                                  покизалик яхшидир,

                                              Ишларни кўрсатайлик

                                              пок..покиза ранг билан!

                                                     ........................