замон

ҚАНДАЙИН  ЗАМОН?

Ҳужжат қоғозларга тўлди папкалар,

Ҳужжат қилолганнинг бахти ҳам кулар,

Яқинда одаммас қоғоз гапирар,

Айтинг-чи, асримиз қандайин замон?

Ҳар битта дарс учун ҳужжат нечалаб,

Ёзилар қоғозлар кундуз-кечалаб,

Тонналаб ёзилар эмас пичалаб,

Айтинг-чи, асримиз қандайин замон?

Врач  қабулига кирсанг агарда,

Даволамай туриб қоғоз ёзганда,

Қилмангиз ҳеч асло уларга зарда,

Айтинг-чи, асримиз қандайин замон?

Хужжат чала бўлса кекса бир устоз,

Ишдан четлатилар, дейди ҳужжат оз,

Дарс берар ўрнига анқов бир шаввоз,

Айтинг-чи, асримиз қандайин замон?

Ҳужжат сўрайди ҳар бир амалдор,

Фидоий меҳнатинг ҳаммаси бекор,

Ҳужжатсиз Навоий бўлар эди хор,

Айтинг-чи, асримиз қандайин замон?

Қайда қолди мазмун, маъно, моҳият?

Инсонга етарми, бир қоғоз—ҳужжат?

Бир кун авлодлар кулмасин фақат,

Айтинг-чи, асримиз қандайин замон?